林頴彤：我一直都想買層樓畀媽咪，但樓價實在太貴，加上香港生活指數高，我諗自己真係暫時未有呢個能力，惟有喺儲首期方面繼續努力啦，過多兩年再決定。
苟芸慧：其實我一直好想喺香港置業，因為租樓好貴，加上我嚟咗啱啱7年，可以攞永久居民身份證嘞，但未到手，之後買樓唔使畀好貴嘅額外物業印花稅，可惜我未儲夠首期。心目中最想喺跑馬地置業，同埋買到個單位可以全家5位成員一齊住。
陳婉衡：好想買樓，但儲極都唔夠首期，咁啱我租嘅地方幾個月後就約滿，係時候出擊睇吓有冇心水盤。如果要買，我諗要媽咪出首期，然後我負責供，第一次買樓都要同屋企人住住先，起碼要有兩房先夠住。