喪擺S甫士鄧洢玲扭到腰骨痛
鄧洢玲（阿旦）與崔碧珈（Anita）昨日為ViuTV節目《晚吹-啪啪聲，太好聽》錄影，穿上低胸裙的阿旦，搶盡密實打扮的嘉賓崔碧珈風頭，笑指全因當主持要有節目效果，沒有刻意搶鏡。談到節目內大談性話題，阿旦表示已由起初尷尬到現時「唔知醜」，幸而於街上沒有人叫她性女：「以前唔會特別上網查呢方面資料，但做咗呢個節目後就了解多咗。」她更指錄影時全程要於梳化上擺S甫士，結果兩、三小時便弄至腰骨赤赤痛。
而密實打扮的Anita則表示為免與阿旦性感打扮作正面交鋒，故選擇以言語出位：「節目度會講大胸女士嘅障礙，但我以前同伴侶做親熱行為時就冇障礙，所以都係分享做運動心得。」她笑指前男友喜歡骨感及胸部不大的女仔，自己雖曾為對方減肥，但最終因未達對方心水而分手收場，更說：「其他男友都會鍾意大胸，好似情人節就想着情趣睡衣，但我平時喺屋企都係咁着，依家又冇男友，所以情人節咪約女仔朋友買嘢返屋企煮。」
