藝人區永權於節目中透露太太生細仔時相當危險，當時若要選擇，他會揀保住太太，可幸最終母子平安。但之後細仔確診患有自閉症，更曾以針灸醫治，令區永權非常心痛，幸而現時情況已好轉。
無綫藝人區永權於前晚播出的無綫節目《1+1的幸福》中，分享夫妻相處之道及難忘經歷。已是兩子之父的他透露太太生細仔Ambrose時相當驚險，由於太太早產，令生大仔與細仔時間相隔不足一年，而因為大仔是剖腹的關係，故如果順產生細仔，剖腹的傷口有可能會爆開！醫生當時指區太盆骨很細，順產有一定危險，叫他作好心理準備，醫生一句「會盡力保住大人及BB」，更令他嚇得魂飛魄散！區永權在節目中回憶當時的情況，坦言如果要選擇的話，一定會揀保住太太，幸而最終母子平安。
不過，細仔Ambrose在18個月大仍然不懂說話，太太提議帶他去檢查，但區永權覺得這是「標籤化」，二人爭拗後都有帶細仔檢查，更發現他患有自閉症。區永權接受電話訪問時表示，細仔上了不少課程治療，情況愈來愈好，現時跟一般小朋友沒甚分別：「我上年都有帶佢去Check智商，都幾高添！」而Ambrose曾以針灸醫治自閉症，區永權說：「見BB插滿晒啲針喺頭同背脊，我真係好唔忍心，之後冇再做。（同佢出世時一度缺氧有冇關係？）唔關事！」
文：影視組