甄子丹贏馬冇影「宇宙車神」嬲豬
甄子丹昨日現身馬場為香港打吡大賽拍攝宣傳片，吸引不少騎師上前要求合照。子丹抽空探望愛駒「宇宙車神」，但笑稱前次未有入場拉頭馬，因而惹怒愛駒！
「宇宙最強」甄子丹昨日以打吡宣傳大使身份現身沙田馬場，為下月舉行的香港打吡大賽拍攝宣傳片，工作之餘，身為馬主的子丹亦特別抽空探望他與蔡加讚名下愛駒「宇宙車神」，練馬師大摩非常識做，立即安排「宇宙車神」出沙圈作考驗。
望遠鏡(目及)到實
子丹先輕撫愛駒的頭部以示鼓勵，之後再與大摩齊齊上二樓睇晨操。雖然只是一般操練，但子丹非常肉緊，見他拿起望遠鏡用金精火眼(目及)到實。不過未知是否因現場太多人，「宇宙車神」略帶緊張，子丹笑說：「可能前次拉頭馬我冇嚟，所以佢嬲咗我呀！」認真搞笑！
粉絲埋身集郵
另外，現場不少騎師及練馬師見到子丹都被「宇宙最強」深深吸引住，全都化身小粉絲爭相要求合照，子丹亦有求必應。子丹參演荷里活電影《俠盜一號：星球大戰外傳》後廣為外國人認識，現場不少外籍騎師，包括巴度及李寶利都是超級星戰迷，紛紛把握機會飛撲上前邀請子丹合照！
文：名人組