朱晨麗約熟男食湯圓
藝人朱晨麗昨日為《第86屆結婚節暨情人節婚紗展》擔任模特兒，示範多套婚紗，當中不乏低胸款式，她大晒谷爆上圍及纖腰，力壓同場其他模特兒，而行騷時她又畀心嘟嘴電暈台下粉絲。雖然昨日是元宵佳節，她仍樂意開工，實行搵銀至上：「元宵開工搵錢好開心。（今晚有冇人約？）約咗家人食湯圓，媽咪叫我收工早啲返。（冇男仔約？）我爸爸囉！佢都係男仔。（唔dry咩？）唔會，一直忙住做嘢。」
食極唔肥
身形弗爆的她表示早前農曆新年放縱狂食，竟未因此暴肥：「新年兩日假我豁咗出去，又食飯又食年糕，之後要由朝到晚拍劇，想肥都難。」另外，提到港鐵慘劇，她坦言有時會以港鐵代步：「希望傷者早日康復，而且為安全着想，大家搭車時要留意吓身邊有冇可疑人士。」
文：名人組
