糖妹抗拒相睇 情人節開單身P

歌手黃山怡（糖妹）、周志文及藝人梁嘉琪昨日出席元宵活動，單身多年的糖妹自爆新年返內地探婆婆時被催拍拖，問到長輩有否安排相睇？糖妹表現抗拒：「接受唔到盲婚啞嫁，要搵個自己鍾意。」問到情人節有否約會？糖妹說：「約咗陳瀅佢哋開單身派對。（成班老姑婆？）我哋仲二字頭，係少艾。」由於她獨力搵錢養家，記者笑指應搵人包養減輕壓力，糖妹笑言：「咁易咩？好少人鍾意童星。」