洪永城恨同唐詩詠做旅遊節目
藝人洪永城日前出發到地中海及中亞北部的小國做旅遊節目，他表示會用30日到訪3個國家，探討當地人的生活模式、醫療、工作環境、發展機會，以至空氣質素等。對於情人節未能與女友唐詩詠一同度過。
他笑說：「要喺嗰邊過。（但情人唔喺嗰邊嘛？）係啊，為工作，Facetime過。（有冇買定禮物或畀驚喜？）都有，但唔講得。（下次帶埋女友去？）有同公司講㗎，不過佢拍緊劇，唔知下一次會唔會一齊做旅遊節目呢？佢都想去多啲旅行，我知佢想去倫敦，啱啱先同我講完布拉格好靚，希望下次可以一齊去倫敦或布拉格。（影埋結婚相？）有消息再同大家講。」
