陳曼娜榮升外婆 讚女婿勤力
藝人陳曼娜女兒鄭祖兒，去年十一月下嫁圈外男友蔡朝旭，昨日有傳鄭祖兒懷有身孕。昨晚陳曼娜出席活動時承認即將榮升外婆：「多謝晒，不過我女婿開心啲，佢好恨仔。結婚嗰時佢已經話要三年抱兩，結果佢好快趣，幾勤力。」她表示男孫或女孫都冇所謂：「我係新潮婆婆，唔會湊孫，亦唔重男輕女，仔女都鍾意。」
又笑言女婿發仔寒，指他好有信心生幾個。對於急不及待承認喜訊，她自言是基督徒，百無禁忌。同場的前港姐許亦妮透露與無綫還有一、兩年合約，但因之前幫家人做食品生意所以少見人，並否認被公司雪藏。問到是否準備嫁人？她笑說：「我都想，依家有人追，都有了解嘅，但我好怕出街，男仔會驚被影到。」
