關詠荷心郁郁復出拍劇
藝人關詠荷已4年沒拍電視劇，但Fans依然以近20年前的「娥姐」角色稱呼她，可見其角色形象深入民心，她亦直言有機會「復拍」劇集。而新一年最想身體健康，因她受腰患及感冒困擾，最慘是老公張家輝未能在身邊照顧。
藝人關詠荷昨日在將軍澳出席代言品牌活動《雀巢．三花．柏齡齊來活出新里程．萬歲太極嘉年華》，跟長者耍太極，而任司儀的阮兆祥則大放笑彈，場面熱鬧。關詠荷和老公張家輝於11年前誕下女兒張童後，已減少幕前演出，上一部電視劇已是4年前的《情逆三世緣》，可是深得劇迷心的她，被現場觀眾以19年前《陀槍師姐》中經典角色「娥姐」相稱，令她深受感動，心郁郁想「復出」：「拍劇就隨緣啦，我在意劇本同角色發揮，依家再拍嘢要當自己係新人，咁多年冇拍。（老公可介意你拍劇？）有商量嘅。」她指現時未有人斟她接劇，而因家輝在外地拍戲，她要留港照顧家人，故近幾個月都無暇接劇。
傷病纏身 家輝唔知情
關詠荷表示雞年願望是身體健康，皆因農曆新年期間被病魔折磨：「我冇乜點出街，事關整傷咗腰舊患，要戴腰封，差唔多好番又輪到感冒，啲菌又入咗腰，原來啲菌邊度弱就攻邊度喇！」她稱家輝離港未知其病情，更指去年已曾因腰患留院三日，醫生叮囑她不宜心急要慢動作，可是她性格較急進，所以要學習如何慢活。問到囡囡性格可似她？她則指囡囡慢條斯理，笑言患病後也不會再催促女兒要動作快。
文：音樂組