法拉「蜜」認戀哈佛男 情人節等驚喜
【李詠林紐約直擊】藝人陳法拉自與Neway二少薛世恆分手後，飛到紐約修讀戲劇，早前有指她秘撻曾任外交官的法籍型男司馬諾（Emmanuel Straschnov）開展新戀情！據知這位新歡來頭不小，哈佛大學畢業後曾擔任法國駐日本外交官，2012年更創立製作網頁及App的「Bubble」，可謂青年才俊！
忙爆冇準備回禮
法拉於紐約時間昨日現身Kate Spade New York秋冬2017時裝秀，久未露面的她容光煥發，不經意露口風承認蜜運中，笑言情人節等待男友送驚喜！穿上品牌花卉圖案裙的她，被問到情人節如何度過？她笑說：「完全唔知！嗰日冇堂可以休息，夜晚睇姬蒂班查嘅舞台劇。（等男友畀驚喜？）驚喜我等待！（同男友一齊睇？）我買咗兩張飛，睇邊個同我睇？（預備禮物畀男友？）完全未！好忙，呢個星期返學要唱歌，好似音樂劇咁，體力同聲音都要好大，今個星期有八場，好攰！」提到月底生日，法拉表示會返港工作，問到屆時會否約會？她撒嬌說：「冇！同經理人！我喺呢邊讀書，好多工作都積埋要返去做，希望返香港有粉絲送禮物。」
