阿Sa舞鬥大隻佬 尷粗摸肌
組合Twins前晚為美國巡唱排舞，期間蔡卓妍（阿Sa）送元宵禮物冧姊妹鍾欣潼（阿嬌），單身依然Sweet爆過節！大會將安排外籍猛男伴舞，阿Sa尷尬表示不敢摸大隻佬，皆因不愛外國人！
組合Twins前晚為美國巡迴演唱會排舞，適逢元宵佳節前夕，阿Sa特別為好姊妹阿嬌準備了小禮物！當阿嬌打開禮物，即聽到阿Sa的錄音：「小嬌嬌祝你情人節快樂呀！」令她十分開心！盒裏放有甜品Macaron，兩人休息時分甘同味。對於阿Sa的小禮物，阿嬌冧爆說：「你睇我老公幾Sweet，唔使搵男友，有阿Sa就夠！」阿Sa聞言笑到見牙唔見眼，又扮肉麻作嘔。
阿嬌揀靚仔過手癮
Twins今次美國開騷因場地關係，部分舞台機關未能同行，故增加了新的舞蹈環節。據知，大會已在當地找來兩位外籍猛男伴舞，但當排舞老師叫阿Sa屆時要用手摸大隻佬時，她即尷尬反問：「吓？真係㗎？」似乎對「飛來艷福」有點不知所措，事後阿Sa說：「係有啲尷尬！去到睇吓靚唔靚仔先算，唔知點摸。」阿嬌卻興奮地說：「我嗰個好靚仔！因為嗰日排歌我早到，揀咗先！」阿Sa自言不太「好」外國人：「我個人好傳統，鍾意啲黑頭髮！」
另外，兩人在尖沙咀排舞當日，撞正發生港鐵列車縱火事件，故前往排舞室時遇上交通阻塞。兩人表示到埗後才收到朋友通知，感到十分恐怖，排舞期間不時留意事情進展。
文：音樂組