JW感冒入院 內疚推Job

歌手JW（王灝兒）昨日上載一張手插喉管相片，留言病倒入院作詳細檢查，由於早已接下慈善晚宴演出，未能如期出席的JW坦言感內疚，更道歉說：「真係好對唔住。」富二代男友Tarzan Ip亦有畀「Like」。JW經理人透露JW是感冒入院：「之前喺石澳拍MV凍親，嗰日已經嘔咗三次，嘔晒啲黃膽水，佢休息咗一晚以為好番，第二日仲發燒同嘔，所以屋企人送佢入醫院，相信係感冒菌太勁。」隨即表示JW病得好辛苦：「依家仲加埋喉嚨痛，醫生要求佢留院觀察。（幾時出院？）未知，要睇佢康復進度。」更透露已推了兩個工作，幸好全是慈善性質，兩個單位亦體諒JW情況，JW未能工作亦感不快，因為是她人生首次因病取消工作。