湯洛雯過lonely情人節

藝人湯洛雯與何廣沛昨日出席商場活動，湯洛雯早前被拍得與緋聞男友羅天宇拍拖，她否認之餘表示二人只是一起吃飯，更與羅天宇口徑一致說「發展中」：「感情嘢冇話爭啲咩嘅，順其自然啦，最重要舒服！」元宵佳節她要忙於拍攝新劇《抱佣情人》，至於西曆情人節，她不用開工，卻說：「但係冇人約。（同羅天宇傳緋聞傳咗幾年？）拍《愛　回家》嗰陣都傳㗎啦！（影到你哋搭膊頭？）我諗係爆錯料啫！冇搭呀。」又指情人節期間，家人會到澳洲，所以沒有家人陪伴要自己過！