麥明詩貼地 撐林作追夢
「十優港姐」麥明詩昨晚以透視連身裙出席活動，胸前若隱若現露出誘人事業線，甚為性感，同場有甄子丹與太太汪詩詩、汪圓圓與蔡加讚、楊張燊悅及Amanda S.等出席，子丹表示情人節會與家人一起度過，又自爆會有神秘驚喜！
對於舊愛林作棄做大律師轉向幕前發展？麥明詩表示支持：「職業無分貴賤，好多人話讀法律唔做律師好嘥，我感同身受，因為我都聽咗好多次，但我覺得讀咩同做咩未必掛勾，如果話嘥咗，即係大家嘅潛意識話娛樂圈比唔起律師呢行，呢排咪興講貼地，如果大家有呢個諗法係咪更離地？我支持大家追求人生夢想。（林作之前有冇問你意見？）以前有傾開話有興趣去做其他嘢，呢個世界要多元化，做人都要多元化。（如果同你合作幕前得唔得？）理論上OK。（尷尬？）未試過，試吓先知。」她又提議林作可以向王祖藍學習。此外，麥明詩昨日網上留言透露其兄正接受整形外科專科訓練，被朋友取笑可以替她變靚。
