指廚師易有肩膊炎 周中：可能佢唔識用力
對於謝霆鋒轉戰飲食界三年便引致手筋發炎，原來不少資深師傅亦同樣遇過這些情況，三大名廚都向霆鋒提供意見。
周中：「呢啲現象冇可能3年咁短時間就出現，可能佢唔識用力令到筋骨受傷，喺呢行應該要做幾十年先有呢啲毛病，好似手、膊頭、腰咁，我哋呢行好多時都有肩膊炎。」
李錦聯：「會唔會係霆鋒太緊張用錯力？佢太用心拉傷咗筋膜，如果行內人處理傷患做法，就係會用熱敷，我都有呢啲問題，以前就會按摩同黐膠布，依家就會去針灸。」
黃永幟：「每個師傅入行頭一、兩星期都要訓練，好似點用柔力控制把刀同鑊，唔係用死力，如果半途入行就會有呢啲問題，我勸霆鋒如果有受傷同炎症，就算好番都要休息半年，跟住再由零開始去練，咁會一勞永逸。」
