藝人李菁早前獲香港動作特技演員公會邀請出席新春聯歡晚宴，同場有錢小豪、元秋、日本演員倉田保昭等，會長錢嘉樂與老婆湯盈盈恩愛到場，李菁大讚二人幸福：「見到佢哋咁甜蜜就明點解咁多港姐揀武師做老公，佢哋睇得又打得，真係好有安全感。但我比較細膽，會好擔心出意外，所以即使好尊敬、崇拜武師，都唔敢搵佢哋做另一半。」
