陸漢洋否認戀苟芸慧

與藝人苟芸慧傳緋聞的賽車手陸漢洋昨晚出席活動，透露三月會培訓一隊香港車隊及香港車手，問到會否培訓苟姑娘，他說：「任何人有興趣都會支持。（擔心佢危險？）賽車做足安全措施其實唔危險！」他否認早前與苟姑娘拍宣傳短片是情侶檔，亦否認是地下情：「絕對唔係拍拖，我哋唔係識咗好耐。（之前你哋一齊買餅？）係成班人團拜，佢唔識買所以一齊買，就係咁簡單。」同場還有吳岱融和太太鍾淑慧，他們透露稍後會夫妻檔上節目合唱《只有情永在》。吳岱融笑言今年雖然豬籠入水，但仍會將財政大權交給太太。他又表示會每日示愛三次，多謝太太多年的支持。