李彩華發新年財贏7萬蚊

藝人李彩華(Rain)昨日在觀塘apm與新鴻基地產(中國)董事馮秀炎出席《香港百年古董X創意婚嫁珍藏展》,Rain自爆新春外遊期間發新年財,其後到韓國滑雪跌倒又行得走得,這位「新春好運王」說:「喺美國酒店抽到二獎,係9千蚊美金(約7萬港元),好lucky!(喺賭枱用咗筆錢?)冇,我玩好細,十蚊美金啫。後來成班朋友去韓國滑雪時跌倒,好彩我有戴頭盔,只係撞到膝頭哥,冇表面傷痕,係裏面有啲痛,遲吓會去睇醫生。」

結婚要等等

Rain又自爆「論盡」事迹:「之前同阿媽行街,睇到一個幾千蚊港紙嘅擺設,我攞畀佢睇嘅時候,跌落地整爛咗!後來間舖當爛嗰件係消耗品,唔使我哋賠。」問到情人節如何慶祝,她說:「會喺上海工作,男友都喺上海。(諗好驚喜節目未?)嗰日男友要返工,依家好難再有特別嘅驚喜。(想男友驚喜求婚?)我哋有共識,過兩、三年先。」

文:影視組