劉晨芝寧缺勿濫等上進男
有「亞洲版Beyonce」之稱的歌手劉晨芝（Adrienne）近年轉型做老闆，先後開設時裝店、夜場及餐廳。Adrienne透露當初開夜店因為愛熱鬧，但每晚應酬飲酒令身體吃不消，她說：「我係好鍾意熱鬧，但搞club太辛苦，有朋友嚟就一齊飲，怕招呼唔好，自自然然好大壓力，身體差咗。」
為健康着想，現在她只專心做韓式fusion菜餐廳，與朋友夾份投資了七位數，早前便到餐廳試菜，以保持食物水準。鍾情韓國文化的Adrienne看準韓風潮，並運用人際網絡創業，她表示：「以前搞club有班韓星嚟玩，識咗好多韓國朋友，一步一步去學，唔可以畀人問到口啞啞，成日飛去韓國搵食材、醬料同擺設，同大廚一齊鑽研菜單。」工作困身，令她至今仍然單身，她揚言心急拍拖，但寧缺勿濫，等待心地好、有上進心的男士叩門。
場地：Hanjan