許珮榆奮不顧身感激校長撐
o靚模許珮榆（Diva）去年參與選美節目，瞓身演出，令決賽評判譚詠麟留下印象。Diva對未能進身八強雖感失望，但她情願放眼未來，贏取屬於自己的后冠。
Diva去年參與ViuTV選美節目《美選D.n.A》，雖然十強止步，但不懂游水的她，比賽期間照樣跳落水進行水底拍攝，連評判譚詠麟都在決賽當晚提起此事。Diva說：「知道譚校長留意到自己，好感動。我想講，嗰陣有佳麗唔舒服退選，其實我都肚屙、腸胃炎，但我珍惜呢個機會，唔放棄，以無比勇氣跳落水影相，好多謝譚校長同所有支持我嘅朋友，佢哋證明我當日嘅決定係啱嘅！」
評判唔Buy風水命理
Diva坦言搵命博與賽果不成正比，她說：「我預期自己入到八強，冇諗過最終竟然去唔到日本外景，我有反覆檢討過點解會輸？可能係輸喺嗰一分鐘自由演繹，我出名係神婆，將風水命理擺咗落表演度，點知評判唔Buy，後尾我諗番，唔係人人信風水嘅！（冇擺風水陣？）冇呀，應該要擺，但屋企細，冇得擺！（點睇自己今年愛情、工作運？）感情會幾好，可以拉埋天窗添，我都想結婚。（有對象？）唔講，等大家估吓！工作方面我學緊唱歌、跳舞，會拍網劇，今年會全力做我非常熱愛嘅演藝工作，希望做出成績！」
場地：Homeland 852
文：影視組
攝：司徒國榮