歐陽妙芝 洪華教你Keep Fit
節日飲飲食食當然高興，但農曆新年過後，生活重回正軌，又是減肥的時候！名模歐陽妙芝和洪華教你近來流行的功能性訓練，只需一條帶，即可回復Fit爆身材。
歐陽妙芝和洪華近年熱捧功能性訓練，齊齊用AirFit Pro（功能性懸掛訓練工具）做運動。早前她們相約教練Anson，一同示範如何在戶外輕易做「帶操」，只要將帶子掛在公園固定的鐵架上，即可做運動。妙芝首先示範簡單招式，用雙手拉着帶子，再前後腳企兼扭腰固定，動作看似容易，但原來要固定位置非常吃力；洪華則示範較高難度招式，首先背向並雙手拉緊帶子，然後整個人傾前45度，難度達十級！
為囝囝操腹肌
妙芝表示勤做運動是為了達成兒子的心願：「兩個仔想我有6舊腹肌，畀我好大動力，之前學琴同學音樂，都係兩個仔叫我去學，做到挑戰自己，我個性係要人逼。」洪華則和妙芝相反：「我就唔逼得，人哋逼我就會避開，向來做乜都3分鐘熱度，唯獨係瑜伽同功能性訓練可以維持到，因為自己為食又貪靚，但又唔可以做大量鍛煉心肺功能嘅運動，初時老公唔信，仲推我去踩單車，點知我踩咗半個鐘就見頭暈，所以做呢種運動比較啱我。」
除了做運動，妙芝認為閉關做乖女能有助減磅，故絕少出外聚餐，笑言好友聚會叫十次去不到八次，晚上通常只吃沙律醫肚。
文：名人組