藝人森美日前遭電台主持好友朱薰在公開網誌「追債」，留言指他派「吉利是」，森美昨日出席活動時大笑回應：「返到屋企再睇過成疊利是，仲有5封都係吉嘅！」他承認入漏錢，即被記者取笑派「吉利是」不吉利，他說：「咁先至大吉大利！依家都唔知仲有冇人收到吉利是，如果攞咗『森』字利是封但入面冇嘢，可以嚟換番，最驚係有啲人唔係成日見，或者係樓下看更！」他笑稱由太太負責入利是，記者問是否要打她屁股？森美笑說：「咁好情趣？要問吓佢！」
他又坦言最怕派利是：「聽到人同我講恭喜說話時覺得唔知點，不過都會派開工利是。」問到小朋友可有投訴因去了旅行而(逗)少了利是？他說：「小朋友依家太幸福同富足，佢哋講聲就有，所以冇攞利是嘅渴求。」問到情人節與太太會如何慶祝？他說：「都咁多年，近年聽最多投訴就係話我呼呼喝喝，希望當日好似初戀咁對佢溫柔啲。」