梁漢文累老婆一身蟻

歌手梁漢文將於情人節在佛山舉行個人音樂會，屆時太太亦會跟隨。昨日他進行跳舞綵排，問到情人節可有冧老婆招數？他指會帶老婆去一些想去的地方，並自爆拍拖趣事：「廿年前啱啱拍拖冇幾耐，我帶老婆去行沙灘，帶佢去棵樹下面，諗住坐低溫馨吓，但坐坐吓老婆被蟻咬，原來我帶佢坐咗喺個蟻竇度，之後佢焗住跟咗我返屋企沖涼，原來我係有呢個先見之明，不過其實真係唔知嘅。（一齊沖？）唔係。（睇住佢沖？）冇，睇都唔敢睇，所以我做親浪漫嘢都有烏龍事發生。」他又笑言會帶老婆去佛山蟻竇：「如果冇，就帶佢返去之前嗰個蟻竇，回味廿年前。」