林作棄做大律師 麥明詩：好過麻木虛度

港姐麥明詩前男友林作昨日驚傳不再做大律師，前日已向大律師公會遞上申請，暫時放棄大律師執業，據了解七天後會正式生效。林作媽媽Lily接受訪問時表示同意兒子的決定：「佢只係唔執業啫。（可惜？）唔會，兩年後佢可以做番，冇問題，只係呢兩年唔執業。」林媽媽表示初期得知兒子有這個決定時不同意，但最終亦被林作說服。她說：「佢又唔係淨係做娛樂圈，仲會做其他嘢，又會幫我打理生意。佢咁後生，年輕人有理想係好事。」麥明詩表示看了報道才知林作有這個決定：「尋找夢想總好過麻木虛度，（佢係咪入娛樂圈？）我都唔知，但職業冇話邊樣好邊樣唔好，最緊要啱自己。」
林作為了理想，暫時放棄大律師執業。
林作為了理想，暫時放棄大律師執業。

覺得被人針對

林作好友陳達仁亦表示林作昨日已向他透露事件，他說：「佢只想放大假陪伴媽咪，因為佢覺得繼續做大狀都只係生意（指律師生意）好啲，然而佢覺得人生可以作唔同嘅發展，佢對人生有抱負。」陳達仁覆述林作的說法：「特別現在我（林作）經濟又唔成問題，又唔係等住呢一口飯食，點解唔試吓去做其他嘢？雖然好多朋友都勸我唔好放棄大律師銜頭，我就唔覺得要為世俗嘅想法而限制不同嘅發展。」陳達仁又指林作近期表現得非常不開心，覺得被人針對，做甚麼事都被人投訴。據知，林作大受演藝圈歡迎，已有六部電影向他招手。

至於林作緋聞女友、組合Bingo隊長關嘉敏（Carman）驚訝地說：「有啲可惜，嘥咗。作為朋友都支持佢。」曾與林作在工作上有合作的堪輿學家麥玲玲稱：「作為朋友，佢咁smart有自己諗法，佢本身有唔同興趣，想試唔同嘢，有唔同發展方向係好。」她更爆林作已同著名公關鄭紹康簽約。記者向鄭紹康求證，他承認簽了合約，彼此會有一段長時間合作。

麥明詩不知林作是否入娛圈。
  • 麥明詩不知林作是否入娛圈。
林作母親同意兒子決定。
  • 林作母親同意兒子決定。