諸葛紫岐掃B女衫疑有喜

最近社交圈傳出諸葛紫岐懷有身孕，但未足三個月，為怕BB小器，所以不敢張揚。以往Marie曾經小產過，所以薛嘉麟今次對太太倍加照顧，經常寸步不離陪伴太太，若Marie懷孕，最開心當然是薛嘉麟，日前即被記者發現二人急不及待掃BB用品！

緊張拖實落樓梯

他倆在銅鑼灣一間餐廳食晏撐枱腳，一向貪靚的Marie打扮得十分樸素，身穿闊身衫、戴黑超，由老公拖實步出餐廳，疑似有喜的Marie與薛嘉麟行得十分緩慢，期間有幾級樓梯，薛嘉麟即顯得十分緊張，一隻手攬住Marie纖腰，另一隻手小心翼翼拖住，明顯驚老婆差錯腳！

睇粉紅色衫笑晒

只見兩人朝專賣小朋友用品的樓層而行，純熟地步入賣初生BB用品店舖，兩人邊睇邊傾，Marie主力揀粉紅色系列，她睇中不少BB衫，隨即交給老公，逗留不足十分鐘已有收穫，薛嘉麟亦拿着BB衫去埋單！之後，夫婦倆轉入另一間店舖，今次Marie主攻公主裙，與老公看到得意的公主裙都笑晒口，愛不釋手，特別是薛嘉麟睇完一件又一件。Marie揀完一輪後略現疲態，因店內設有梳化，她隨即坐下休息抖抖等老公。之後二人轉逛其他店舖，當經過櫥窗見內有BB床及BB車，都停下來看，不時指着研究一番。

放大圖片	落樓梯時，薛嘉麟緊張攬住Marie。	Marie、薛嘉麟睇見BB車流晒口水。

雖然他們主攻初生BB用品，但不忘買禮物氹囝囝華韜，行經玩具店時Marie與老公即入去「掃貨」，買了益智的砌圖及幾本書送給囝囝，再施施然離開。而薛嘉麟全程對Marie照顧周到，攬到實一實，傾偈時又不時情深款款望住老婆，Sweet到爆！

兩公婆專揀粉紅色BB衫嚟睇。	Marie行到攰，要坐低抖抖。	Marie已有兒子薛華韜，想追多個女。

文：名人組