張曦雯家有為食貓 動靜似隻狗
前華姐冠軍張曦雯（Kelly）六年前開始養美國短毛貓Louie，當初飼養只是細細隻，問現時六歲大的Louie是否一隻乖乖貓？Kelly即大讚說：「平時都冇乜曳嘢，好乖o架，但係非常為食，我食嘢嗰時佢就一定會哄個頭埋嚟，想質個頭落我碗嘢度，咩都要聞吓，咩都要舔吓。」
貓貓一向給人高竇感覺，但Kelly指Louie絕非一般的貓：「佢好嗲，好似狗仔咁，你叫佢個名，佢就會跑過嚟，我一返屋企開門，佢就會坐喺門口等我。」會否似狗仔一樣識做動作？她即笑謂：「同佢講『手手』，佢就會遞一隻手畀你，同佢講『請請』，佢就會兩隻手畀晒你，企喺度，好似隻招財貓咁！（要用好多時間訓練？）唔使好耐，佢好自然就識，只要手上面有嘢食，佢就會好聽話，叫佢做咩都得！」
