碩士女藝人柯嘉琪 （Kiko）早前拍廣告扮美人魚潛入水底，拍攝當日只得十二度，她表示自己用了五日練習美人魚的動作：「當日浸咗幾個鐘水，喺泳池同海灘練習，有教練教動作嘅，美人魚係蝶泳，由頭帶落胸、胸帶落腰、腰帶落pat pat，咁先有曲線同美感。」
她更透露拍攝期間最驚雙腳抽筋：「潛入三米水底要閉氣幾分鐘，又要登直隻腳，抽咗幾次筋，一齊潛落水底嘅潛水員同攝影師救咗我，今次拍攝真係有血有汗。」
