鄧洢玲探討男人心 惡補求「性」福

女星鄧洢玲(阿旦)與陳靜(DaDa)昨午不約而同騷四吋事業線以性感姿態出席記者會,DaDa更獲姐姐及外甥女到場支持,小妹妹長相與DaDa可謂同一個餅印,成為鏡頭焦點。而阿旦與拍檔梁奕倫主持的性話題節目將添食拍到7月,由於節目是全台收視之冠,故台前幕後都雄心萬丈,稍後更會由梁奕倫帶隊到深水埗區「撳鐘仔」採訪鳳姐生涯。

未夠功力滿足偷食男

阿旦笑指一班男拍檔開會討論採訪流程時「態度causual」,令她氣結:「唔當我係女仔咁,真係唔明男人嘅世界,不過呢個節目幫咗我好多。以前性知識不足,依家學到嘅嘢相信對下半生幸福好有幫助。」她直言以往不止一次因男友偷食而分手,故自言痛恨男人﹕「不過依家諗番,可能係自己未夠『功力』,滿足唔到佢哋啦,如果依家再拍拖就會好有信心嘞。」

DaDa則自爆半年前已搬回與家人同住:「日日有湯水,好有家庭溫暖,希望嚟緊搵多啲錢,買大啲屋同佢哋一齊住。(咁叻湊女?)因為家姐開店,我咪幫手湊囉,搞到我都好想生小朋友,但要先搵段好姻緣。」肖蛇的她相信自己今年事業愛情兩得意,稍後會放一個月假陪母親返上海探親,再與家人到熱帶地方旅行。

文﹕影視組