陳琪呻湊女去旅行辛苦

藝人胡諾言及太太陳琪早前撇下剛滿三個月大的幼子，偕同兩名女兒到日本大阪享家庭樂，期間更穿上和服拍下日式「全家褔」！陳琪笑說次女芷悠不時嚷着要坐嬰兒車，但由於冇帶嬰兒車，所以全程化身大力士抱着愛女：「成日嗌住兩個女搞到聲都沙，照顧佢哋唔易，本來計劃一日去幾個景點但最後都唔得，我全程『阿四』咁，下次要問兩個女可唔可以是但帶一個，但老公話要帶埋個仔，我有啲想縮沙！」她續說因心繫幼子，每晚返酒店都透過視像電話見面：「老爺奶奶好好，會喺早午晚三餐傳囝囝啲相我睇，返嚟我覺得佢重咗好多！」