《風雲》造型首曝光 黎耀祥長髮加持 做最型泥菩薩

黎耀祥、鄭丹瑞(阿旦)等人參演的《風雲5D音樂劇》造型首度曝光,祥仔覺得自己的長髮泥菩薩好有型,貪靚的阿旦則想利用音樂劇創作總監的身份,多造幾套靚衫。而閻奕格一穿上戲服就角色上身,變成溫柔淑女。

由鄭嘉穎、謝天華、譚耀文、黎耀祥、胡琳、鄭丹瑞及閻奕格攜手合演的《風雲5D音樂劇》,由陳淑芬的天星娛樂主辦,將於今年4月在紅館首演,音樂劇用上一整年時間籌備,各項內容都進行得如火如荼。為音樂劇擔任創意及造型美術總監的奚仲文,以及負責服裝設計的陳華國,花盡心思打造劇中各個角色造型,除了要配合人物性格外,亦要考慮舞台效果及發揮5D特技,讓入場觀眾感受最完美的觀感體驗。

服裝華麗重質感

祥仔飾演的「泥菩薩」、阿旦的「文丑丑」及由閻奕格扮演「孔慈」的造型昨日終於曝光,今次《風雲》角色造型和以往與別不同,服裝非常華麗及重質感。再次飾演泥菩薩的祥仔今次有把長曲髮,他自覺很有型:「今次嘅造型令我意想唔到,因為以往嘅泥菩薩,無論喺漫畫定電影中都係蓬頭垢面嘅,今次呢個長髮有型嘅泥菩薩令我即時智者上身,好似變身江湖上一位未卜先知嘅神算子。」

閻奕格秒變淑女

閻奕格非常鍾愛孔慈出塵的造型,並自言一向男仔頭性格,好動坐唔定,但穿上戲服後,就像變了一位淑女:「個人即刻溫柔起嚟。」而鄭丹瑞亦指戲服令他變了文丑丑,一方面是狐假虎威的邀功小人,另一方面則是義薄雲天的忠友良師,角色的矛盾令他心情起伏,他笑說:「我會利用自己創作總監嘅身份,等陳太畀我做多幾套戲服,等觀眾入場可以欣賞吓我唔同造型。」

文:音樂組