吳鎮宇挑戰演阿伯專業失禁！

由吳鎮宇、古天樂孭飛的電影《脫皮爸爸》，早前於「東京電影節」從六百部作品中打入百強角逐主競賽單元，雖然最後未能獲獎，但鎮宇由17歲演到79歲，及與古仔的父子情令評審印象深刻，該片去年底在港上映神秘優先場，反應相當不俗。

為求瀨尿飲多啲水

鎮宇演繹79歲腦退化症病患的片段近日曝光，片中他乏力癱坐於教堂長椅上，未幾手震震「搲袋袋」兼失禁瀨尿，又舐又嗅手上的「尿」味！當日適逢鎮宇生日，劇組送上蛋糕為他慶祝，鎮宇搞笑地繼續以老人家呆滯樣，跟着唱歌節奏拍手，場面惹笑！

談及失禁戲份是否真材實料？鎮宇打趣說：「飲多啲水就自然失禁，專業演員嚟㗎嘛，哈哈！（咁『搲袋袋』呢？）有啲老人家會有皮膚病就會痕，投入咗就加入啲小動作，亦做咗幾個版本，唔知最終會用邊個。」又說補戲當日原本沒有古仔戲份，因難以忍受老妝過程，惟有致電古仔提早拍攝，故他十分感謝對方能體諒！

鎮宇不諱言老妝戲份增肥不太困難，但拍攝之時是夏天，每天花十四小時上落妝及拍攝，雖然叫苦連天，但認為是香港人精神。

變阿伯吳鎮宇化老妝變失禁阿伯！

吳鎮宇以阿伯mode拍手慶生。

又肥又瘦辛苦到喊

他說：「增到七十幾公斤都係多個肚腩，成80歲老人家眼好dup嘛！咁嗰排咪唔瞓，再飲埋酒就更dup，但係跟住要喺十二日內減廿磅，變成廿幾吋腰、有四塊腹肌嘅後生仔就難，惟有搵教練地獄式訓練，又戒糖鹽，真係辛苦到喊，又暈又嘔同肌肉痛。（下次唔再拍？）都係拍番後生開心啲，老妝過吓癮就算嘞！」

戲中飾演其妻的內地女星春夏，原來鎮宇並不認識，後來始知她曾與郭富城及白只合作電影，並憑該片橫掃幾個頒獎禮的影后及新人獎，鎮宇說：「我哋條感情線好平淡，我覺得呢個女仔幾好，幾清秀呀。」

文：影視組