朱咪咪台上解衫鈕

前輩歌手朱咪咪前晚在紅館舉行《朱咪咪利利是是演唱會》尾場，現場她把觀眾派的利是攝進恤衫，要工作人員幫她解開衫鈕取回。她又在台上踢爆嘉賓劉玉翠大前晚感觸落淚，又爆李思捷曾連累監製被「照肺」：「佢同萬綺雯拍完外景，買咗幾千蚊海鮮返廠打邊爐，廠唔畀明火煮食㗎。」
朱咪咪唔止玩校服Look，仲要解開衫鈕。
朱咪咪唔止玩校服Look，仲要解開衫鈕。

受訪時朱咪咪直言沒有不捨舞台，覺得做紅館騷很辛苦。說到大仔即將結婚，她說：「揀咗11月18日，全年最好日，酒樓冇晒位。」她又透露有人想簽細仔到韓國發展，但她不批准。昨日她又到樂富出席利是封回收活動，坦言收到一大袋利是，拆了三小時只拆了十分一。

李思捷獲黃夏蕙送上金雞。
  • 李思捷獲黃夏蕙送上金雞。
朱咪咪踢爆劉玉翠大前晚感觸落淚。
  • 朱咪咪踢爆劉玉翠大前晚感觸落淚。