簡淑兒細個男仔頭 未試過留長髮
藝人簡淑兒（Jessica）憑住一對可愛腰果眼加齊蔭直長髮，成為宅男女神，甚至有粉絲形容她是「對望三十秒會令你愛上嘅人」。擁有標準女神外貌的她，原來小時候外表像小男生，誰會想像得到她今天會成為眾人女神。
Jessica於8歲時跟隨家人移民美國，家中有六兄弟姊妹，對上有三個姐姐，排第四的她原來出世前，家人已經覺得她是男孩：「嗰時冇照超聲波，但屋企人就覺得我係仔。到咗出世嘅時候知道我係女，爸爸有啲失望，不過佢繼續當我係仔咁湊，所以我12歲之前都未留過長頭髮，仲試過剷青。我4、5歲嗰陣同家姐去游水，佢哋係着泳衣，而我係着泳褲，哈哈！細個人哋問我係男定女，我都會答係男仔。」
不要以為Jessica小時候會因此而不開心，其實她與爸爸感情非常好，事關爸爸特別疼錫她：「我細個扭計，通常都係爹哋就我，所以我同佢感情最好。到咗大個，我想留長頭髮，爹哋都唔係好想，因為留長頭髮會有男仔撩。」女兒果然是爸爸的小情人！
