張文慈假戲真做 醉住開工

藝人張文慈（Pinky）到主題樂園與卡通人物賀新歲，祝大家雞年萬事勝意！Pinky過檔無綫後忙過不休，有三劇在手的她只得三日假期：「我放假都會喺屋企睇吓劇本，就嚟要拍《深宮計》，依家當正自己『入宮』，言行舉止盡量溫柔、淡定。」Pinky形容公司似足大家庭，拍《老表，畢業喇！》時與台前幕後打成一片：「戲入面同蔡少芬演閨密，私底下我哋都好投緣！之前同佢拍咗場屋企戲，劇情話我哋飲醉酒周圍跳，我真係帶咗支酒返廠！諗住同佢一齊飲啲放鬆吓，點知飲少少大家真係醉咗，第二日醒咗先諗究竟有冇失儀。」