駱胤鳴赤口開火：點解要畀人X！

組合「SIS樂印姊妹」成員駱胤鳴，前日初三赤口與網民發生罵戰，相當應節！事緣她在社交網上載了一張扁嘴相，並留言：「落街買嘢慘被打尖。」結果成為網民留言攻擊目標，指她：「咁小事都要開Post刷存在感，成個『阿嬋』咁。」網民指她小氣，身為公眾人物預咗畀人X，言詞涉及粗口之餘，又形容她為「明星仔」、「抵你咁耐都唔紅」、「冇腦」等侮辱性說話，慘被公審。駱胤鳴未有因而退縮，反而趁初三赤口留言還拖：「社會上係有班人對一啲上過電視嘅人帶有歧視，叫人明星仔。」又指自己都係打份工，藝人都係人，點解做藝人就要畀人X。

音樂會當面對質

駱胤鳴受訪時無奈表示：「成件事好莫名其妙。其實我係被打尖嗰個，我喺網上發表感受抒發吓，點知應驗咗初三赤口。（唔開心？）佢哋話我明星仔都冇所謂，最唔高興係話支持我嘅人係『護主狗』，好唔尊重，呢樣最唔開心。其實做藝人、公眾人物都係人，我都係講件事出嚟，大家要識得尊重。佢哋可以唔使喺鍵盤度打字話我冇腦，我今個月25號有個音樂會，佢哋可以買飛嚟睇，講聲我知，我一定安排前排位置畀佢哋坐，睇清楚我係咩人，我唔係冇腦o架。」

駱胤鳴前晚在網上留言，稱買嘢時被打尖。	駱胤鳴（左）不時上載與家姐駱胤樺及好友的生活照。	「小智」

小智遭人身攻擊

此外，曾參加香港先生的「小智」（Jason Tsang），初三因在網上群組交換精靈而遭網友留言人身攻擊及誹謗，小智昨日發聲明稱考慮向警方備案。

文：專案組