蔡國威要再碎腎石

已過檔無綫的藝人蔡國威，過年前因生腎石要留院做手術，全身麻醉以衝激波擊碎腎石。康復中的威仔昨日出席友人團拜，與林建明、韓君婷及林祖輝等好友敍舊，只見威仔精神不俗，問到是否已康復？他說：「未㗎！仲食緊藥同要去覆診。（點解仲要覆診？）原來我唔止一粒腎石，醫生起初話幫我整晒，之前明明講好咗，但結果整得一粒，我好奇怪，點解唔一次過處理晒？雖然唔係真開刀，但都內傷加全身麻醉，好傷㗎！」