吳業坤求和氣生財
歌手吳業坤（坤坤）去年備受負面新聞所困，指他爆紅後變得囂張，日前坤坤趁有份投資的西裝店新春啟市前，返店舖貼和氣生財揮春，希望新一年能夠遠離是非。提到被傳變囂，他說因之前忙拍劇，加上網民的負評而情緒低落才避席：「冇出席『巨聲幫』聚會，係唔想令大家唔開心，去到變咗開解會！」再重申「巨聲幫」中跟胡鴻鈞關係最好，而許廷鏗、鄧小巧、何雁詩感情亦不錯。
談到被網民針對，坤坤指自己沒有因負評而大改變，只是減少了發表感受：「呢個年代大家都太容易相信網上言論，好多人都冇思考，如果我唔係身處呢個行業都會咁，但我再解釋，大家會覺得我狡辯。」他希望大家不要道聽塗說及多了解他的為人：「呢啲嘢好主觀，佢哋覺得係咁就係咁，留個言又唔使錢同負責任，所以自己要學識點去面對負評。」
