Super Girls新年夢想 雞知巷聞
人氣組合Super Girls是「宅男」的甜心，雞年之始，五女以甜到漏的朱古力代墨寫出「創意揮春」向大家拜年；談到新一年大計，五女都希望歌曲受歡迎，唱到「雞」知巷聞，她們以「朱古力」寫揮春時，Heidi寫下「笑口常開」，Jessica則想「心想事成」。
出道五年的Super Girls（SG）發展理想，先後開過兩場演唱會，更憑健康形象俘虜萬千宅男心，又得廣告商支持，近年五女更涉足影壇及網劇參與演戲，全方位吸金。
寫「朱古力」揮春
五位甜姐兒日前齊齊發揮無限創意，以「朱古力」代墨汁寫揮春共慶新年。有「冰山美人」之稱的Yanny用其中文名陳穎欣的「欣」字寫下「欣欣向榮」；愛笑的Heidi就把笑口常開的「口」字用漫畫代替，至於Cheronna憑歌送意，借歌曲《有事發生》改成意頭十足的「好事發生」，Jessica寫「心想事成」時寫出界，索性以手指當塗改液用，將沾了朱古力醬的手指狂啜，十足「為食妹」，五女中以Aka的筆功最為出色。
SG新年要趕新歌錄音，說到新年願望，五人異口同聲說希望歌曲受歡迎及得到認同，Aka稱之前的電影作品即將上映，望票房大收，同時期望SG的新歌、新舞在表演上有突破。去年成功考到車牌的Aka，最盼望賺錢買車：「可以車屋企人去遠啲地方玩吓。」Jessica同樣想發財：「希望繼續有人錫、客戶鍾意賺多啲錢，音樂有好成績，做到一首大家鍾意嘅歌。個人就希望可以同唔同類型公司合作，參與大大小小嘅拍攝，多啲周遊列國嘅機會。」
Cheronna挑戰毅行者
Heidi希望SG做到一首歌得到大家的共鳴：「喺街上聽到首歌同唱我哋首歌。個人願望係身體健康，同嘗試唔同電影角色。」而Cheronna則定下很多目標：「參加唔同挑戰，好想完成整個毅行者，另外，結他、唱歌、跳舞都想有進步。」Yanny則望發掘更多興趣，挑戰自己，及有首街知巷聞的歌曲。
文：音樂組