鍾楚紅無心「戀」戰
大美人鍾楚紅（紅姑）昨日出席「丁酉年 金龍獻瑞及福星高照醒獅賀歲@海港城」活動，紅姑穿上紅色連身裙紅噹噹現身，獲大會送上鯉魚玻璃雕塑、錦鯉造型康乃馨及吉祥圖案蘋果，她就回禮送上親自拍攝的維港美景相片，並附親筆簽名。
紅姑透露新年愛擺放水仙、牡丹及桃花等，充滿節日氣氛：「我鍾意桃花，大大細細都有幾棵。（行桃花運？）咁多年都係咁。（想今年？）冇得想，冇諗過。（追求者？）不嬲都冇。（你落閘？）個心都唔喺嗰度，個心喺環保、綠色生活。」她透露會做義工幫環保紀錄片配音。問到會否拍戲？她說：「好耐冇拍，唔識拍戲喇！（客串？）梗係唔得，咁易出嚟客串咩！」她透露新年後才去旅行，但沒透露地點。問會否約周潤發發新年財？她反問點解次次都問，指自己不止一位朋友。