千嬅赤腳慶生 最想囝囝入好學校

天后楊千嬅於初七人日（2月3日）生日，日前她與老公丁子高搞團年宴，席間眾人為她提早賀壽，不但收到卡通公仔生日蛋糕及生日卡，經理人林珊珊亦送上大禮。丁子高除了化身司儀搞氣氛外，亦為飯局花了不少心思，親自設計多個有獎遊戲節目，期間千嬅要赤腳轉圈再鬥快用飲管飲酒，玩得忘形的她最後勝出比賽。
丁子高悉心為千嬅慶祝生日，令愛妻勁冧。
丁子高悉心為千嬅慶祝生日，令愛妻勁冧。

千嬅坦言開心：「其實（年齡）到咗某個數字，我就自然會低調，不過有個好活潑嘅老公，佢令我好開心，佢成日悉心安排慶祝活動，今次好開心公司同事畀咗個生日驚喜我。」愛家庭的她坦言雞年第一個心願是希望囝囝Torres成功考入理想學校：「個仔入到好學校大家都會好，代表我可以好投入咁去做嘢，去年我好懶惰，因為要照顧小朋友，踏入2017年我會繼續努力！」講到生育大計，她表示一切隨緣。

千嬅赤腳玩遊戲，非常投入。
  • 千嬅赤腳玩遊戲，非常投入。