李美琪謝絕爛桃花
藝人甄詠珊（Carisa）約埋同公司的「牛雜妹」李美琪及安俊豪（Simon）到車公廟祈福開運，他們不但轉行運風車，Simon亦有上香求籤。期間兩女不時夾埋攻擊Simon，影相時又特登企遠，場面搞笑，應驗今日大年初三赤口！雖然他們只是開玩笑，但Carisa坦言與Simon曾試過因誤會而有拗撬：「我喺冇理解成件事下鬧咗佢先，但其實係因為小人出現，令我哋誤會咗兩年，後尾新經理人入咗嚟先幫我哋化解成件事。」
談到新年願望，牛雜妹希望今年事業順利：「2016對我係好深刻嘅一年，好多挫折，希望新一年工作會有新開始。」感情方面她不急於拍拖，亦不希望再有爛桃花出現。Carisa則希望可以改掉性格衝動的缺點，但不恨拍拖。
講到Simon為事業及姻緣求籤，他坦言：「事業話我有少少阻滯，唔係話好差，但仍要努力，而姻緣都係努力籤，話我要好努力主動，都希望今年可以搵到真命天女。」
_