呂晶晶等真命天子 請黃嘉樂食檸檬
年初三赤口，名媛諸葛紫岐公司旗下藝人黎美言、呂晶晶、黃倩婷、鄭富安及曾傅君相約到車公廟拜神，齊齊拿着行運風車祈求新一年工作順利。呂晶晶今年大計是工作上有更多發揮機會，及早日覓得如意郎君。問到早前跟無綫藝人黃嘉樂傳緋聞的她，不是正蜜運中嗎？她即請對方食檸檬：「冇拍拖，之前同佢係同一間經理人公司，係好好朋友，大家會約食飯。（有冇機會發展？）我諗冇啦，如果有就一早發展咗，我一路等緊真命天子出現。（係咪你要求太高？）問題可能係我需要一段好認真嘅感情，同埋我個人比較保守，要花好多時間去了解，但依家啲人冇乜耐性。」
全心投入工作
晶晶又表示如真命天子出現，屆時不介意跟大家開心share。她續說去年拍攝的電視劇《隱世者們》反應好，今年將添食，原班人員開拍第二集，倍感高興。另外，她又稱上年最大得着是心態方面，自言以前對工作不是很認真，現則全心投入，不停練演技，對自己要求更高。
黃倩婷恨生B
去年結婚的黃倩婷則希望快啲生小朋友及學懂照顧老公：「我最重要養好身體，之前成日病。（因為想生BB？）都想，但唔心急，好多人心急都冇，所以要放鬆啲。同埋今年希望學識照顧屋企，老公照顧我多，自己都要長大，學吓煮飯。」而黎美言表示去年參加G1格鬥真人騷是其轉捩點：「跟住去內地拍咗套打戲，有機會做到女一角色，雖然辛酸，又打又要吊住飛嚟飛去，好辛苦，但好值得。」她希望今年有自己的歌曲，及想多拍電影。另外，曾傅君與鄭富安異口同聲表示，今年主力發展唱歌方面，也想做全面的藝人，所以有機會都想拍戲及拍電視劇。
文：名人組
