阿媽催婚 朱潔儀擺桃花求姻緣
港姐級朱潔儀每逢年初二都向師傅御廚楊貫一拜年，並帶同自己畫的生肖雞油畫及水墨雞畫作給師傅鑑賞。她曾隨師傅學煮鮑魚並獲傳授秘方，拿手鮑魚獲家人讚不絕口，近日更獲邀擔任飲食節目主持，問到會否在節目親自下廚？她說：「咁要同師傅學習多啲先得，其實細個就好鍾意食嘢，而且食量好大，去親人哋屋企就入廚房開雪櫃。唔知係咪食得多，所以生得高大啲，不過依家就唔會，會揀有營養嘢嚟食。」
她又透露媽咪今年向她催婚，令她頓時語塞：「媽咪話鮑魚好好食，但突然話想請食餅多啲，嗰刻呆咗，心諗唔通想我整鮑魚餅？之後先明佢意思，就應咗句：『啊！咁食啦！承你貴言。』」為催旺桃花，她聽從風水師指示在客廳中央放置桃花。