藝人高海寧（高Ling）趁新春佳節暢遊馬爾代夫，昨日在instagram上載多張靚相派福利，相中穿白色喱士低胸裝的她大騷深長「事業線」，令網友睇到流晒鼻血！高Ling在相片附上hashtag「birthdaytrip」，原來此行是慶祝30歲生日！
高Ling接受本報電話訪問，表示人在外地，已放下戒備：「見到咁靚嘅環境，梗係要影吓靚相啦！因為生日，所以特登帶埋條靚裙去食飯！（係咪緋聞男友鄧智偉操刀？）朋友影嘅，我覺得佢呢方面好有才華！（音樂都好有才華？）影相嗰位朋友好多方面都好有才華！」她透露此行只會逗留3日，之後就會返港拍攝無綫新劇《抱佣情人》，問到會否做雞年新娘？她說：「工作先啦！我都唔急！」