甄子丹利是無上限 諸葛恨生雞仔

「玩具大王」蔡志明兒子蔡加讚與太太汪圓圓昨晚出席旗下喜運佳．譽一鐘錶贊助的「譽滿香江煙花大匯演」，蔡志明全家總動員撐兒子，汪圓圓的父母、姐夫甄子丹與表妹湛琪清也到場支持。

甄子丹表示每年新年不論在港與否，也會盡量與家人過：「今年新年有幾日假休息，會一齊去Family Trip，但唔會話畀你知去邊。（你套戲《3X反恐暴族：重火力回歸》票房點？）我都唔清楚，冇Check，但好似係全球第一，最重要係口碑。（賺咁多會派過百萬利是？）邊有搵好多！公司開支好大。（預派幾多利是？）冇預算，盡量大家開心。」電影截至目前為止已收得5,100萬美元（約4億港元）票房，成績不俗。

蔡志明豪請全家遊日

蔡志明則表示今年是首次贊助煙花匯演，又透露今日起程到日本度歲：「全家加埋同事大約27人。（請晒？）請一半啦！以往係我出晒，我同同事商量過，如果我出晒就冇咁矜貴。」同場的諸葛紫岐（Marie）與老公薛嘉麟拍拖到場，問到新年願望是否再添丁？她坦言希望有這個幸運：「囝囝都想有個細佬妹，佢成日話自己係哥哥。（開工未？）有好消息會講。（擺生仔陣？）係天意，順其自然。」

另外，湛琪清日前被本報拍到與男友跟子丹一家睇戲，問到是否帶男友金承威見家長？她說：「我哋去捧表姐夫（甄子丹）套戲場，當朋友一齊睇戲。（做雞年新娘？）哈哈，唔好講。」

蔡加讚贊助煙花大匯演，帶領嘉賓台上祝酒。

蔡志明夫婦（左、中）、蔡加敏（右） 蔡志明動員全家撐兒子蔡加讚與新抱汪圓圓。

（左起）陳漢驄、蔡加怡、蔡加讚、汪圓圓、甄子丹

諸葛紫岐透露想為兒子添個伴，薛嘉麟識「造」啦！

文：名人組