胡定欣為睇靚樣 摷醒唯唯囡囡

年三十晚榮升人父的梁烈唯，連日到醫院照顧太太和BB女Karina，昨日雖然見他一臉倦容去買尿片和早餐，但仍難掩做老竇喜悅。唯唯笑言：「出去行吓，有番啲私人空間，諗諗接落嚟要啲乜。（幫手餵奶？）冇喎，我冇母乳，都有幫手抱吓佢，餵母乳真係唔容易，係好難，但BB好似我，好瞓得，肚餓會嘴郁郁，埋身食一，兩啖，夠就瞓，叫佢都唔醒，所以老婆話似我，瞓咗火燭都叫唔醒，又食得瞓得，依家仲識得笑。」至於囡囡的中文名則留待師傅改。