陳華鑫望包養男友？
無綫小花陳華鑫（金金）身形嬌滴滴，原來是「為食妹」一名，新正頭當然要品嘗賀年糕點，這天她試了柑桔蝦餃和炮竹春卷等，寓意新一年鴻運當頭，大吉大利！金金透露屋企比較傳統：「新年係全年最忙嘅節日，媽咪一定做足所有嘢，年廿八洗邋遢，年三十食團年飯行花市，會布置好屋企，同埋幫媽咪入利是，初一早起身拜年，年三十晚前仲要剪晒頭髮、指甲！」
金金新年願望事業步步高陞：「我比較鍾意古裝，都知公司有古裝劇，希望入到劇，同埋過去一年成日要開夜，搞到身體差，成日要睇醫生，又試過去咗第二度工作，撞期冇咗個重要角色，嗰刻會唔開心，因為角色唔係話有就有，新一年要送走呢啲！」
已有穩定男友的金金渴望雞年開花結果：「佢成日支持我，唔會介意任何嘢。（叫你唔好做得咁辛苦嫁畀佢？）咁又唔會，佢掉番轉話『我唔做你做』，男內女外，我話『好呀』，屋企人都已經見過佢。」
場地：盈福28
鳴謝：Barry @ Oneness
髮型：Rayhui@next salon
_