方中信禁老婆揸新車
藝人方中信與太太莫可欣及囡囡昨晚出席電動車活動，他透露一早預訂了此60多萬元的電動車：「我話去拎新車，個女係都要跟住嚟。」問到太太有冇話要揸？他即禁止說：「你知女人啦，怕佢整花條軨。」提到是鷹翼車門設計，會否怕開門時位置太窄？他說：「試晒，上網都睇咗。（有冇折？）諗都唔好諗，我好早落咗訂，電動幾好，我孤寒，唔使入油，充電就得。」
同場的方健儀表示早前做朱古力瘤微創手術，現已復工：「留低咗1cm疤痕，我戒口，朋友都話我瘦咗，瘦咗7磅。我嘅朱古力瘤存在十幾年，size慢慢大，醫生話要新年前割走佢，依家一身輕。」同場還有楊受成太太陸小曼及楊政龍到場。