有讀者爆料指無綫新咪神朱智賢前晚孖住謝東閔去維園行花市，更戴上情侶帽兼攬腰咬耳仔，狀甚親暱。朱智賢接受本報電話訪問時否認撻着，指當時與一班朋友一齊：「我哋唔係親密。（佢攬你腰？）花市好多人、好逼，佢有紳士風度啫！（佢好似有女友？）咁我唔清楚。」而謝東閔回覆本報時亦表示因當時人多，怕走失才行得比較近。