湯怡 麥子樂 入廚笑「蝦蝦」
英皇電影旗下藝人麥子樂、湯怡及新人岑紫生對烹飪同樣有濃厚興趣，趁農曆新年將至，相約炮製賀年菜「蓮藕花生豬手」及「乾煎大蝦」，向粉絲拜早年。製成品賣相不錯，不過烹調期間卻默契欠奉兼雞手鴨腳，爆笑連場！
談到廚藝，湯怡坦言：「我比較喜歡整甜品，子樂就煮西餐叻啲，所以煮中菜大家都係試吓咋！呢排我忙住同鍾舒漫合作喺商場擺新年檔，我賣自己嘅手製曲奇，連續幾晚通宵整餅，好彩外界反應唔錯。」今次過足老闆娘癮激起湯怡雄心壯志，計劃開店賣自家製甜品。談到新年願望，湯怡說：「想成功轉換形象，能夠演啲硬朗嘅角色。」
麥子樂則對自家製的「忌廉蘑菇湯」信心十足：「我用好多種菇磨碎嚟整，工夫好複雜，味道拍得住大酒店百幾蚊碗嗰啲，飲過嘅都舔舔脷。」至於曾獲「美少女廚神」封號的岑紫生原來好叻煲湯：「女生冇湯水唔得，多飲魚湯最好，好多人怕魚腥，煲湯時切多啲薑就辟到味。」
場地：Le Creuset Showroom
_